மேற்படி சாயா கிரகங்களைத் தவிர மற்ற ஏழு கிரகங்களின் ஒளிகள் நம்மீது படுகின்றன. அந்த ஒளிகள் எத்தனை சதவீதம் நம்மீது படுகின்றன அல்லது எத்தனை சதவீதம் நம்மால் அக்கிரகங்களின் ஒளியினை ஈர்க்க முடியும் என்பதை அறிவதே ஜோதிடம். நமது ஜாதகத்தின் மையப்புள்ளி லக்னம் என்பதாகும். மேற்படி லக்னத்தினை மையமாக வைத்துத்தான் மேற்படி கிரகங்களின் ஒளிகள் நம்மீது படுகின்றன என்பதனை அறிய முடியும். மேலும் அக்கிரகங்களின் ஒளிகள் நம் வாழ்வில் எவ்வித தாக்கத்தை ஏற்படுத்தும் அதை எப்பொழுது ஏற்படுத்தும் என்பதை நமது ஜாதகத்தின் திசா புத்திகளை வைத்து நாம் கண்டுபிடிக்கலாம். மேற்படி ஒன்பது கிரகங்களுமே நன்மை/தீமை/மத்திம பலன்கள் செய்யக் கூடிய கிரகங்கள் தான். சில குறிப்பிட்ட கிரகங்கள் தான் நன்மை செய்யும் சில கிரகங்கள் தீமை மட்டுமே செய்யும் என்பது தவறான கருத்தாகும். உதாரணத்திற்கு சுக்கிர திசையில் துன்பப்பட்டவர்கள் எத்தனையோ நபர்கள் உள்ளனர் அதேபோல் ராகு திசையில் உயர்ந்தவர்கள் எத்தனையே நபர்கள் உள்ளனர். கிரகத்தின் தன்மைகள் ஒவ்வொருவரின் ஜாதகத்திற்கு ஏற்ப மாறுபடும். இதுவே சித்தர்கள் கூறிய வழிமுறை. இதுவே நடைமுறை உண்மை.

தொடர்பு

+91 97503 42678